Këshilli i Lartë Gjyqësor ka pezulluar nga detyra gjyqtaren Arnisa Këlliçi pasi Prokuroria e Tiranës arriti në konkluzionin se kërcënimi që pretendoi se kishte ardhur në drejtim të saj ishte i inskenuar nga vetë gjyqtarja.
“Janë kryer hetime intensive me qëllim sigurimin e provave të ngutshme sikurse administrimi i pamjeve filmike pranë gjykatës, marrja në pyetje e personave, marrja e modeleve të lira dhe eksperimentale, këqyrje dhe sekuestrime pranë institucioneve si dhe kryerja e ekspertimeve dhe në përfundim është arritur në konkluzionin, referuar rrethanave dhe aktit të ekspertimit grafik, se letra objekt hetimi, është shkruar nga vetë kallëzuesja Arnisa Këlliçi”, tha Prokuroria e Tiranës.
Lexo edhe :
Related Posts
Nisur nga ky rezultat, Prokuroria e kryeqytetit njofton se mori të pandehur gjyqtaren Arnisa Këlliçi, me dyshimet se ka bërë kallëzim të rremë dhe ka falsifikuar dokumente.
Prokuroria dyshon Këlliçin për akuzën e falsifikimit të dokumenteve me argumentin se me të dhëna të rreme ka fituar më pas mbrojtje nga Këshilli i Lartë Gjyqësor. Ky i fundit është vënë në dijeni për rezultatet e hetimit, teksa Prokuroria e Tiranës dërgoi dosjen për kompetencë për hetime të mëtejshme, në Prokurorinë e Durrësit.