Seanca gjyqësore në ngarkim të Fredi Belerit, i cili akuzohet për korrupsion në zgjedhjet që u zhvilluan në Himarë, është shoqëruar edhe me një ngjarje jashtë dyerve të gjykatës.
Ndërsa prokurori i çështjes parashtronte para gjykatës provat dhe kërkesën për dënim, një qytetar është shfaqur përpara SPAK dhe ka tentuar të djegë një flamur të ashtë quajtur të Vorio- Epirit.
I menjëhershëm ka qenë edhe reagimi i policisë, e cila ka shoqëruar në komisariat, Bledar Çakallin për veprime të mëtejshme procedurale.
“Ditën e sotme, para hyrjes së SPAK-ut, shtetasi B. Ç., 33 vjeç, ka shpalosur dhe tentuar të djegë një flamur të ashtuquajtur Vorio- Epiriot. 33-vjeçari është shoqëruar në komisariat për veprime të mëtejshme procedurale”, njoftoi policia.
