VIDEO/ Pako me flamurin shqiptar, 7.3 milionë dollarë kokainë sekuestrohen nga policia në Ekuador

7.3 milionë dollarë është vlera e kokainës që është sekuestruar nga policia kombëtare e Ekuadorit në kantonin El Guabo të provincës El Oro. Policia gjeti 122 pako me kokainë, ku disa prej tyre janë të ambalazhuara me flamurin e Shqipërisë. Një 37-vjeçar i identifikuar si Jonathan M. u arrestua pasi transportonte drogën me një kamion. Agjentët vunë re qëndrimin e dyshimtë të drejtuesve të dy kamionëve dhe një furgoni gjatë operacioneve duke i ndalur ata. Gjatë kontrollit të automjetit u gjetën thasë me paketime droge që mbartnin shenjën “JP” dhe logon e mafias shqiptare.