Në faqen e prezantuar sot “Pasqyrë Albania”, e realizuar nga Ministria e Ekonomisë dhe Inovacioni, është përfshirë edhe seksioni “KURSE”, një iniciativë që në bashkëpunim me supermarketet dhe furnitorët, synon uljen e çmimeve të produkteve të konsumit të përditshëm.
Përmes reduktimit të marzheve tregtare, përfitimi kalon drejtpërdrejt te konsumatorët, ndërsa çmimet e reduktuara do të jenë në fuqi nga sot deri më 12 janar 2027.
Sipas të dhënave të publikuara, të konsultuara nga ekofin.al, aktualisht janë 325 produkte me ulje, ndërkohë që lista rifreskohet në kohë reale. Uljet më të mëdha arrijnë deri në 40% për produkte si vezët dhe kripa. Produketet e tjera të shportës së përditshme si orizi, kanë ulje që varion nga 4% deri në 26%, qumështi nga 4% deri në 25%, thjerrëzat nga 6% deri në 25%, ndërsa mielli nga 4% deri në 24%.
Për makaronat, uljet variojnë nga 3% deri në 22%, ndërsa salca e domates ka ulje deri në 21%. Ulje çmimesh parashikohen edhe për produkte të tjera bazë të shportës ushqimore.
Fasulet kanë ulje nga 15% deri në 20%, kosi nga 5% deri në 20%, djathi nga 7% deri në 17%, ndërsa gjalpi nga 6% deri në 15%. Për kafen uljet variojnë nga 5% deri në 15%, bananet nga 9% deri në 13%, salçiçet dhe kremviçet nga 7% deri në 11%, ndërsa sheqeri ka ulje deri në 7%.
Lista e produkteve vijon edhe me produkte të tjera të përditshme, përveçushqimeve, si sapuni, detergjentët, shampo, etj.
Përveç uljeve, në “Pasqyrë Albania”, qytetarët do të kenë mundësi të krahasojnë produktet sipas linjave të supermaketeve, për të zgjedhur më pas atje ku çmimet janë më të lira. Aktualisht, në platformë janë përfshirë 4 rrjete supermarketesh, ndërsa pritet që në ditët në vijim të shtohen edhe të tjerë /ekofin.al
ULJET PËR SECILAT PRODUKTE:
Kripë – ulje deri në 40%
Vezë – ulje deri në 40%
Oriz – ulje nga 4% deri në 26%
Qumësht – ulje nga 4% deri në 25%
Thjerrëza – ulje nga 6% deri në 25%
Miell – ulje nga 4% deri në 24%
Makarona – ulje nga 3% deri në 22%
Salcë domate – ulje deri në 21%
Fasule – ulje nga 15% deri në 20%
Kos – ulje nga 5% deri në 20%
Niseshte – ulje 18%
Djathë – ulje nga 7% deri në 17%
Ujë – ulje 17%
Gjalpë – ulje nga 6% deri në 15%
Kafe – ulje nga 5% deri në 15%
Banane – ulje nga 9% deri në 13%
Salçiçe/kremviçe – ulje nga 7% deri në 11
Proshutë – ulje 8%
Sheqer – ulje nga 1% deri në 7%
Biskota – ulje 6%
Bullgur – ulje 6%
Lëngje frutash – ulje nga 5% deri në 6%
Vaj ulliri – ulje 5%
Vaj luledielli – ulje nga 3% deri në 6%
Speca konservë – ulje 5%
Sapun – ulje deri në 21%
Shampo – ulje deri në 21%
Ilaç rrobash – ulje deri në 19%
Deodorant – ulje deri në 17%
Bojë flokësj – ulje deri në 15%
Pelena – ulje deri në 8%