Juventusi shkon në katër ndeshje radhazi pa fitore, duke u ndalur dhe nga Verona në transfertë, me sfidën që u mbyll me rezultatin 2-2.
Sfida nisi mirë për vendasit, të cilët kaluan në avantazh falë një supergoli të Folorunshos në minutën e 11’, por barazimi erdhi nga Vlahoviç falë një penalltie në minutën e 28’.
Gjithashtu pjesa e dytë nisi mirë për vendasit, që kaluan sërish në avantazh me anë të Noslin në minutën e 52’, por pas katër minutash Rabio rivendosi sërish baraspeshën.
Kështu Juventusi e sheh veten 9 pikë larg Interit kryesues, me këtë të fundit që ka dhe një ndeshje të prapambetur për të luajtur, teksa “zonja” tashmë rrezikon dhe vendin e dytë që mund t’i rrëmbehet nga Milani.
REZULTATI
VERONA 2-2 JUVENTUS
Folorunsho 11′ , Noslin 52′ / Vlahoviç (P) 28′, Rabio 56′