Shkodra po përgatitet për traditën shumëvjeçare të Karnavaleve që sjellin gëzim dhe hare në kryeqendrën e veriut. Kryeministri Edi Rama ka publikuar pamje nga përgatitjet që po bëhen për këtë traditë shumëvjeçare të shkodranëve.
“MIRËMËNGJES dhe me “Rrugët e Shkodrës n’Karnaval”, të cilat po përgatiten për magjinë e traditës shumëvjeçare të shkodranëve dhe si ftesë për të mos u humbur në përjetimin e 3 ditëve të gëzueshme mes ngjyrave dhe humorit në datat 23-25 Shkurt, ju uroj një të diel të paqtë”,-shkruan Rama.
Në të gjitha rrugët kryesore të qytetit, po bëhen zbukurime kushtuar Karnavaleve që do të mbahen nga 23 deri në 25 shkurt të cilat njihen për recitimin e vargjeve tradicionale, bejtet dhe ngjyrat e humorit.