Kremlini zyrtar ka reaguar ashpër pas akuzave që kanë ardhur në drejtim të Rusisë, që e lidhin atë drejtpërdrejtë me vrasjen e opozitarit Alexei Navalny.
Zëdhënësi Dmitry Peskov thotë se reagimi i Perëndimit është i papranueshëm, por shton se deklaratat e urrejtjes nga Shtetet e Bashkuara dhe Evropa nuk do të dëmtojnë Presidentin Vladimir Putin.
“Ne e konsiderojmë krejtësisht të papranueshme që të bëhen deklarata të tilla të neveritshme”,-u tha gazetarëve zëdhënësi Dmitry Peskov.
“Këto deklarata, natyrisht, nuk mund të shkaktojnë asnjë dëm për kreun e shtetit tonë”, shtoi Peskov. Ai thekson se hetimi për vdekjen e Navalny po vijon dhe po kryhet në përputhje me ligjin rus.