Lulzim Basha bën me dije se ai dhe grupi i tij me deputetë, nuk do të votojnë në seancën e nesërme projektligjin për Amnistinë Penale. Ai tha se nuk është pranuar kërkesa për amnistinë e protestuesve të opozitës.
PS nuk i ka 84 vota që duhen për amnistinë penale, dhe tashmë që Basha deklaroi votën kundër, nuk dihet sesi do ti gjejë maxhoranca numrat e duhur sepse Rithemelimi është në kaos në Kuvend dhe nuk voton asnjë projektligj.
Lexo edhe :
Related Posts
Ky vendim i Bashës erdhi pasi PS refuzoi të falë protestuesit të cilët akuzohen për goditje të punonjësve të policisë, për përdorim të molotëve, që në fakt përfshin të gjithë protestuesit e PD.
Deputetët e drejtuar nga Berisha mësohet se nuk do ta votojnë draftin dhe do vazhdojnë aksionon për bllokimin e parlamentit. Sipas tyre edhe amendamenti i Bledion Nallbatit që kaloi në komisionin e ligjeve është transformuar dhe nuk gëzon mbështetjen e tyre.
Pjesë nga deklarata e Bashës
Mesazhi që Edi Rama dhe qeveria e tij japin është një qeveri e korruptuar është se ato që i dënon gjykata i liron qeveria me votat në parlament. Nuk është kjo ndërhyrja e parë e Edi Ramës me Reformën në Drejtësi, pak ditë më parë është ankuar se BKH po shqetëson ministrat dhe zyrtarët e tij me hetimet që po bën, është e qartë se Edi Rama i trembet drejtësisë.
Tani duket qartë që segmente të SPAK po hetojnë në përputhje të plotë më ligjin. Kjo është ajo që po ndodh nga një anë do të përdorte amnistinë për të amnistuar zyrtarët e korruptuar që kanë vjedhur taksat e shqiptarëve dhe refuzon të amnistojë protestuesit që janë ngritur për të mbrojtur pronat e tyre. Sot po e bëj të qartë se PD jo vetëm nuk do të jetë pjesë e kësaj manovre të fëlliqur, por do të tregojmë dhe faktojmë se kërcënimi kryesorë sot është Edi Rama.
PD inkurajon prokurorët e BKH-në të vazhdojë punën. PD nuk do të marrë pjesë në seancën e nesërmen parlamentare. Mos u bëni patericë e këtij akti kriminal që synon lirimin e zyrtarëve të korruptuar.