Këtë herë në “Vendi Im” me Edlira Prendin është kreu i bashkisë së Mirditës, Albert Melyshi për të diskutuar mbi problemet e qytetarëve, nevojën për investime në zonë dhe mundësitë për zhvillimin dhe fuqizimin ekonomik të banorëve. Në mandatin e parë si kryetar, Melyshi i cili vjen nga PD e Berishës, thotë se zhvillimi i Mirditës është sfidë më vete. ”Mirdita ka forma dhe mënyra për tu zhvilluar, si turizmi dhe industria, por ne e kemi vendosur fokusin tek turizmi”.
Ai thotë se në vend ka mungesë të theksur të fasonerisë dhe është përpjekur që të bashkëpunojë me ato që janë në Lezhë. Nga ana tjetër, për bashkëpunimin me qeverinë, duke qenë që është një bashki e PD-së, kryetari tha se nuk ka munguar dëshira për të bashkëpunuar për projekte.
Lexo edhe :
Related Posts
”I kam pritur këtu dhe i kam takuar në institucionet përkatëse, dhe nisur nga elementi politik ka qenë qasja që të mos investohet. Unë jam pëpjekur që ta gjej formën, duke biseduar me ta, duke paraqitur nevojat që ka Mirdita. Përgjigja që kam marrë në çdo takim ka qenë e ngrohtë, mikpritje, por ajo që presim është sa do realizohen”. Fjala është në projekte infrastrukurore, kanale vaditëse, ujësjellësa dhe për shpëtimin e zonave në rrezik. Por kryetari thotë se deri më tani asnjë projekt nuk është miratuar nga qeveria qëndrore, dhe se nuk ka besim se do të ndihmohet nga qeveria Rama. ”Vazhdoj të jem në komunikim dhe të kërkoj takime me ta, por tani jemi në pritje për të parë sesa do të jetë vëmendja e qeverisë”.
Rubiku, një zonë atraktike për turizëm sipas kryetarit kisha 900-vjeçare ka zgjuar interesin e turistëve dhe vizitorëve, e cila është gjatë gjithë vitit e vizituar. ”Është një xhevahir afër rrugës së kombit, që i jep edhe këtë mundësi që të vizitohet. Rubiku të ofron shumë mundësi, siç është zona e katundit të vjetër, që është e zhvilluar nga ana e agroturizimit dhe ka mbi 60 mijë vizitorë. Maja e deles është një rit që ndiqet në qershor, por problem është infrastruktura rrugore”.