Autoritetet italiane kanë arrestuar një 28-vjeçar shqiptar në Rimini, i cili ishte shpallur në kërkim për vrasje të mbetur në tentativë.
Sipas mediave fqinje, efektivët e policies po patrullonin në zonën e Miramares, kur hasën në një grup të huajsh dhe vendosën t’i identifikonin. Kur erdhi koha për të dhënë të dhënat e tij personale, emri i 28-vjeçarit ndezi alarmin dhe doli se mbi të rëndonte një urdhër paraburgimi, i lëshuar nga Gjykata e Alessandrias.
Pasi u dërgua në zyrat e Piazzale Bornaccinit, u bë e mundur të verifikohej se pse kërkohej 28-vjeçari. Rezultonte se ai shtatorin e kaluar kishte debatuar me një të njohurin e tij në një lokal bastesh në Acqui Terme.
Gjatë debatit, me një thikë shqiptari e ka goditur dy herë atë dhe më pas është larguar. Në përfundim të procedurave, 28-vjeçari është transferuar në burgun “Caseti” në dispozicion të organeve të drejtësisë