Kryeministri Edi Rama thotë se dënon sulmin rus ditën e djeshme pranë vendit ku presidenti ukrainas Volodymir Zelensky takoi kryeministrin grek Mitsotakis. Përmes një postimi në X, teksa përmend vizitën e Zelensky-t në Tiranë, kreu i qeverisë i quan provokime të pamatura dhe të rrezikshme.
”Ne dënojmë fuqishëm sulmin me raketa ruse në Odessa që rrezikoi jetën e kryeministrit Mitsotakis të Greqisë, mikut dhe aleatit të përkushtuar të NATO-s dhe Presidentit Zelensky, të cilin pata kënaqësinë ta prisja javën e kaluar në Tiranë. Këto janë provokime të pamatura dhe të rrezikshme”,-shkruan Rama.