Pak pas mesditës ka mbërritur në Shqipëri, në bazën ajrore të Rinasit trupi i pajetë i nëntetares Zarife Hasanaj, e cila humbi jetën në krye të detyrës gjatë një misioni në Letoni.
Trupi i efektives u transportua nga Letonia me një avion ushtarak, pas ceremonisë së lamturmitës së organizuar në bazën Camp Adazi, ku morrën pjesë efektivë nga 10 vendet, pjesë e misionit “Enhanced Forëard Presence”.
Zarife Hasanaj u largua nga Shqipëria më 20 dhjetor të vitit 2018 me mision në operacionin ushtarak të NATO-s në Riga, Letoni, në përbërje të Grup-Batalionit Kanadez, me afat qëndrim 6 mujor, me dëtyrë Operator EOD.
Por ajo u kthye sot në Shqipëri si “Dëshmorë i Atdheut”, duke e lënë misionin më mes. Efektivja Hasanaj u shoqërua nga një efektiv kanadez, një letonez dhe kolegë të saj shqiptarë, pjesë e kontigjentit ku bënte pjesë.
Efektivja Zarife Hasanaj u prit dhe u nderua në bazën e Rinasit, me protokoll ushtarak nga Ministrja e Mbrojtjes, Olta Xhaçka, shefi i Shtabit të Përgjithshëm të Forcave të Armatosura, Bardhyl Kollçaku, drejtues të Forcave, familjarë dhe efektive të FA-ve.
Add A Comment