Natalie Portman dhe Benjamin Millepied janë divorcuar zyrtarisht. Një përfaqësues i Portman, konfirmoi për revistën “People”, se sot dyshja finalizuan kushtet e ndarjes së tyre. Ish-partneret kanë dy fëmijë: Aleph, 12 vjeç dhe Amalia, 7 vjeçe.
Us Weekly konfirmoi në gusht 2023 se Portman dhe Millepied, u ndanë në heshtje pas 11 vitesh martesë. Lajmi për ndarjen e tyre erdhi dy muaj pasi u raportua gjerësisht se Millepied kishte një lidhje me aktivisten Camille Étienne.
“Ata po tregohen shumë civilë ndaj njëri-tjetrit për fëmijët,” tha një burim ekskluzivisht për Us këtë muaj. “Benjamin do të donte të kthehej Natalie, por ajo nuk është e interesuar për momentin.”
Një burim i dytë i brendshëm tha se Portman po kërkonte që divorci i tyre të ishte “sa më harmonik që të ishte e mundur” pavarësisht dramës.
Portman dhe Millepied filluan të takoheshin në vitin 2010 pas takimit në xhirimet e filmit “Black Swan”. Thuhet se Millepied la të dashurën e tij të atëhershme, Isabella Boylston, për të qenë me Portman. Dyshja u martuan dy vjet më vonë.