Në episodin e radhës të ”Vendi im” me Edlira Prendin është kryetari i bashkisë së Malësisë së Madhe, Tonin Marinaj i cili është në mandatin e tretë në krye të detyrës, ku ka folur që nga arsimi, rinia dhe mundësitë turistike që ofron kjo zonë magjike. Gjatë bisedës u ndal fillimisht tek arsimi në këto zona, ku thotë se shkollat kanë qenë në gjendje të mjerueshme, dhe se puna nisi me shkollën e Koplikut.
”Më pas filluam me shkollën ”Prekë Gjoni” në Bajzë dhe më pas edhe me shkollën e mesme në Koplik ”Sherif Hoxha”, shkollën e Dedjave, shkollën e Tamarës, po punohet për shkollën në Vermosh”. A ka nxënës në këto shkolla? ”Kuptohet që numri i nxënësve ka rënë, por të gjitha këto shkolla që përmenda më lart, janë shkolla që janë me nxënës, ku më e pakta është me 150 dhe më e shumta me 340 nxënës”,-tha kyetari Marinaj.
Lexo edhe :
Related Posts
Shpopullimi ka prekur edhe këtë zonë, ku kryetari i bashkisë së Malësisë së Madhe, thotë se nuk mund të bëjë një bilanc të numrit të të larguarve, edhe pse thekson se emigrimi apo migrimi është opsion dhe dëshirë e gjithësecilit. Për pjesën e infrastrukturës, kryetari thotë se pothuajse çdo zonë është në kushte të mira. ”Në vite janë bërë shumë investime”.
Turizimi në këtë zonë është magjik dhe natyral. Nga Syri i Sheganit, Marinaj u shpreh se këtë vit do të punohet për pjesën e rrugës që të dërgon në këtë zonë, pasi nuk është në kushte të mira. ”Kjo është një pjesë e mrekullueshme e liqenit të Shkodrës, që bën pjesë në territorin e bashkisë së Malësisë së Madhe, është një zonë shumë e frekuentuar, por jo me turizëm të zhvilluar, por që vijnë turistë të shumtë”.