Bukurosh Maçi, kryetari i Bashkisë së Peqinit i cili është në mandatin e tij të parë, është i ftuari i rradhës në ”Vendin Im” nga gazetarja Edlira Prendi. Edhe pse një qytet i vogël, kryetari vë theksin tek vlerat që ka ky vend, duke nisur nga kulla e sahatit që është mbi 200-vjeçare, kalaja e qytetit dhe një segment i vijës Egnatia dhe aty ka një urë që sipas Maçit, tregon që Peqini është një qytet shumë i lashtë. ”Ne kemi produkte bujqësore të zonës, siç është ulliri, vaji i ullirit, kemi në njësinë administrative Gjocaj që atje është një perlë e bukur nga çelja e pjeshkëve”.
I pyetur për probematikat që hasen në këtë qytet që në pamje të parë duket i varfër, kryetari tha se ”Peqini është qytet i vogël, bashkinë e kemi gjetur me probleme, por këtu ka njerëz që punojnë, presin shumë nga ne dhe ne jemi duke bërë disa punë të mirë. Siç është ndërhyrja në fasadat e pallateve në qendër, dhe këto po i japin një kurorë të bukur qytetit dhe ne presim shumë shpejt nga qeveria një Rilindje urbane të Peqinit, pasi nuk e ka përfituar më herët Rilindjen urbane. Projektet e tjera tonat janë rrugët, është një rrugë këtu që ne i themi rruga për tek spitali dhe është në një gjendje jo të mirë, dhe ne kemi bërë gati projektin”.
Lexo edhe :
Related Posts
Ekonomia, një hallkë e rëndësishme, në këtë qytet sipas kryetarit, një pjesë e popullsisë punon në institucione, është biznesi privat që ka disa fasoneri që janë punësuar gra, dhe tek pjesa e lumit Shkumbin, janë disa biznese që merren me inertet. ”Njerëzit këtu edhe nëpërmjet tokës, nga bujqësia kanë të ardhura dhe në këtë periudhë produktet e zonës sonë janë bio. Ka djem dhe vajza që janë shkolluar në Tiranë, që duan që të bëhen pjesë e bashkisë dhe për këtë fakt ne ndihemi mirë”.
Rinia e cila është e pritur drejt Tiranës ose emigrimin, çfarë gjen në Peqin. ”Ne po punojmë që ti rikthejmë qytetit gjallërinë”. Duke folur për inpaktin që ka burgu i famshëm i Peqinit në qytet, kryetari Maçi tha se atje janë të punësuar shumë qytetarë dhe ai e sheh që ky institucion ka ndikuar pozitivisht për aspektin ekonomik të qytetit.