Një oficer policie humbi jetën dhe dy të tjerë u plagosën si pasojë e një shkëmbimi zjarri në një apartament në Charleroi, në jug të Belgjikës, ku i dyshuari që rezistonte nga brenda apartamentit, arriti të arratisej nga vendngjarja.
I dyshuari i rezistonte policisë nga një banesë në Rue de L’Etang në Charleroi, në krahinën Wallonia, ku ndodhi dhe përballja tragjike për motive ende të pashpjeguara.
Disa media belge raportonin se policia ishte thirrur pasi u dëgjuan të shtëna arme, sot rreth orës 7 të mëngjesit.
Një perimetër i gjerë rreth vendngjarjes u rrethua nga policia e cila njoftonte më vonë se i dyshuari ishte ndaluar dhe arrestuar.
Oficerët ishin pjesë e skuadrave speciale të pajisur për incidente të rrezikut të lartë si sulme terroriste, pengmarrje apo rrëmbime, shkruan rrjeti Mirror.