Megan Fox ka folur rreth ndryshimit të pamjes së saj dhe ka renditur të gjitha ndërhyrjet që ka kryer ndër vite. 37-vjeçarja foli rreth fëmijërisë, por ndau edhe detajet pikante për ndërhyrjet kirurgjikale.
Megan tha se ka kryer shumë pak ndërhyrje në gjoks midis filmave të parë dhe të dytë të “Transformers”.
“I bëra prapë kur nuk ushqeja më fëmijët me gji”, tha aktorja.
Ajo kërkoi gjoks të madh, por mjekët nuk ia plotësuan kërkesën pasi nuk i përshtateshin me trupin dhe i vendosën implante normale.
Fox qartësoi edhe thashethemet për ndërhyrje të shumta në hundë dhe zbuloi arsyen e vërtetë pse hunda e saj duket kështu. “E bëra hundën të të 20-at e hershme”, tha Megan që është akuzuar se ka kryer 6-8 rinoplasti. Aktorja pranoi se ka aplikuar botox dhe injeksione, por hunda e saj duket kështu për shkak të konturimit të theksuar me grim.
“S’kam bërë tërheqje të fytyrës”. Gjithashtu ajo tha se nuk ka bërë as fije sepse kishte frikë se do të ndikonin nëse në të ardhmen do të vendosë për të bërë tërheqjen e fytyrës. Fox u shpreh se nuk ka bërë as ngritje të vetullës apo heqje të dhjamit të fytyrës.