Vëllezërit adoleshentë dhe shoku i tyre godasin me sende të forta 17-vjeçarin që punonte në piceri

Një sherr mes adoleshentëve është shënuar në Berat, me sende të forta në lagjen “22 tetori”. Dy vëllezër të mitur, R.Q 16 vjeç dhe G.Q, 16 vjeç dhe një tjetër bashkëmoshatar i tyre janë përfshirë në një sherr me 17 vjeçarin B.D të cilin e kanë goditur me sende të forta. Pas sherrit për motive të dobëta, 3 adoleshentët agresorë janë shoqëruar për në komisariat ku po kryhen veprimet e mëtejshme proceduriale në praninë e psikologut dhe prindërve të tyre. 17 vjeçari i dhunuar fatmirësisht nuk ka pasur dëmtime të shumta. Grupi hetimor vijon punën për sqarimin e plotë të rrethanave të rastit.