Kreu i grupit parlamentar të PD-së dhe nënkryetar i Rithemelimit, Gazment Bardhi ka njoftuar se do të dalë sot në një deklaratë të jashtëzakonshme për shtyp.
Ai pritet të dalë para mediave rreth orës 13:00, ndërkohë që ende nuk dihet se cila do të jetë tema rreth së cilës ai do të flasë. Konferenca e jashtëzakonshme ka për qëllim denoncimin e një familjari të kryeministrit Edi Rama.
Kujtojmë se javët e fundit politika ka qenë dinamike, ndërkohë që pas më shumë se pesë muajsh kaos në Kuvend, jeta parlamentare iu kthye normalitetit pas një marrëveshjeje mazhorancë- opozitë për krijimin e dy komisioneve hetimore, komisioni për Shëndetësinë dhe komisioni për TIMS.