Një shqiptar është arrestuar në Greqi, pasi akuzohet se ka kryer shtatë vjedhje.
Bëhet fjalë për një 29-vjeçar. Por 29-vjeçari nuk ka vepruar i vetëm. Ai kishte edhe një bashkëpunëtor, gjithashtu me orgjinë shqiptare, i cili është shpallur në kërkim nga policia greke.
Sipas njoftimeve të policisë dy shqiptarët janë autorë të vjedhjeve në 7 banesa në Syvota dhe Perdhika të Thesprotisë në periudhën 27 deri më 31 mars.
Ata kanë arritur që të vjedhin 2255 euro, 3 ora me vlerë 900 euro, 3 celularë me vlerë 1900 euro, bizhuteri me vlerë 70 euro dhe rroba.