Lulzim Basha mban logon dhe vulën e Partisë Demokratike, por parlamenti njeh si kryetar të grupit parlamentar Gazment Bardhin i cili ka te drejtë të vendosë radhën kur flasin deputetët e PD në seancë.
Rrjedhimisht është Gazment Bardhi i cili peërcakton se kur flet Lulzim Basha në parlament dhe sot Bardhi e ka lënë Bashën dhe deputetët që e mbeshtesin të flasin të fundit.
Në listën e deputetëve të PD që do të flasin sot për dy projekt-ligje Bardhi e Jorida Tabaku do të flasin të parët, ndërkohë që Lulzim Basha dhe 9 deputetët që e mbështesin janë lënë në fund të listës.
Në projektligjin për Koncesionet Basha do të flasë i 34 dhe në atë për Arkivat i 13, pasi të mbarojnë te gjithë deputetët e drejtuar nga Sali Berisha.
Përgjatë muajve të fundit Basha e Bardhi janë përfshirë në një debat të ashpër në parlament.
Lulzim Basha ka çuar në Kuvend kërkesën për përjashtimin nga grupi parlamentar të Gazment Bardhit.
Basha i ka kërkuar administratës së Kuvendit edhe të largojë Bardhin nga karrigia që mban në sallën e seancave plenare për të mos e pasur afër.
Por Kuvendi s’ka pranuar asnjë kërkesë të Lulzim Bashës, e mbetet për tu parë nëse vetë Basha do të krijojë një grup të ri parlamentar në mënyrë që fjalën e tij në parlament të mos e përcaktojë Gazment Bardhi.
