Major Klodian Tanushi, i cili u plagos disa ditë më parë në Letoni ka ndërruar jetë. Lajmi konfirmohet nga ministrja Olta Xhaçka.
“Një lajm tjetër i dhimbshëm vjen nga Letonia. Komandanti i kontingjentit shqiptar në misionin e NATO “Enhanced Forward Presence”, major Klodian Tanushi humbi pak çaste më parë betejën e fundit me jetën. Me zemër e me shpirt i gjendemi pranë familjes, bashkëshortes e tri fëmijëve në këtë ditë zije. Do t’ju mungojë atyre, por do të na mungojë të gjithëve ne që patëm fatin ta njohim. Do mbetesh përjetë në mendjen e zemrën tonë Klodi, miku ynë!“,- njofton ministrja në Facebook.
Ministria e Mbrotjes njofton se “prinderve të majorit, që jetojnë në Tirane lajmin ua dhanë Shefi i Shtabit te Pergjithshem,gjeneralbrigade Bardhyl Kollcaku dhe zv.shefja e SHPFA, gjeneralë Manushaqe Shehu”.
Lexo edhe : Humbi jetën në Letoni, kush është majori Klodian Tanushi, babai i tre fëmijëve
