Opozita mban sot protestën e katërt më të madhe në kryeqytet, ku do të mblidhet në orën 18.30 rreth kryeministrisë.
Ish-kryeministri Sali Berisha ka postuar një video në Facebook për këtë protestën, ku shkruan “Sot Cunami i Tiranes kunder Edvinit epiqender planetare e protestes. Rama ik! sb”.
Ndërkaq, një ditë më parë kreu i PD-së, Lulzim Basha tha se kjo është një betejë për jetë a vdekje. Ditën e sotme, gjatë tubimit të opozitës, do të jenë të pranishëm edhe 300 studentë të Partive Popullore Europiane.
Këtë fakt e bëri të ditur vetë kreu i PD-së, Basha, gjatë një takimi që zhvilloi dje me strukturat e Partisë në Kamzë, ku theksoi se: “Kjo mori një stad të ri vetëdijesimi me 300 studentë të forumit të Partisë Popullore, partisë sonë nënë, që kanë kuptuar kauzën tonë dhe për këtë arsye janë në krahun e rinisë shqiptare dhe nesër, në orën 18:30, të rinjtë europianë nga Gjermania, Britania, Franca do të jenë në krahun tuaj në goditjen kundër tiranisë së krimit, për Shqipërinë si e gjithë Europa”.