Policia ka nisur hetimet për një 45-vjeçar nga Kosova, i cili tentoi të fuste në Shqipëri 24.900 euro të padeklaruara.
Në pikën kufitare të Morinës është kaluar për kontroll të detajuar automjeti tip “Benz”, me drejtues shtetasin I. Z.
Nga kontrolli fizik, këtij shtetasi iu gjetën rreth 24 900 euro që po tentonte t’i fuste në Shqipëri, pa i deklaruar konform ligjeve në fuqi.
“Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë për shtetasin kosovar I. Z., 45 vjeç, banues në Lipjan, Kosovë, për veprën penale “Mosdeklarimi në kufi i të hollave dhe i sendeve me vlerë””, njoftoi policia.
Gjithashtu, në cilësinë e provës materiale u sekuestrua shuma e parave.