Valbona Sako është emri që është zyrtarizuar nga Partia Socialiste për kandidate për bashkinë e Durrësit, duke zëvendësuar në këtë mënyrë Vangjush Dakon, kreun aktual të bashkisë.
Po kush është Valbona Sako?
Sipas të përditshmes, Panorama, Sako është me profesion ekonomiste dhe prej gjashtë vitesh mban postin e drejtoreshës së Tatimeve në Durrës.
Ajo ka përfunduar studimet e larta për Financë, në fakultetin Ekonomik të Tiranës, në vitin 1993.
Pas përfundimit të studimeve, ajo është punësuar në administratën shtetërore, ndërkohë që prej 20 vitesh është pjesë e administratës fiskale të qytetit të Durrësit.
Sako, është një emër mjaft i njohur në rrethin e biznesit në Durrës. Ajo është e martuar dhe nënë e dy vajzave. Ndërkohë që njëherazi është kunata e gazetares dhe prezantueses Hygerta Sakos, vajzës së parë nga Durrësi, që u shpall Miss Albania në vitin 1995.