Partia Demokratike e Rithemelimit, ka një nismë të re ligjore. Prindërve të fëmijëve me autizëm duhet t’u ligjërohet puna e reduktuar deri në 6 orë. Dhe nëse nuk janë në marrëdhënie pune, t’u njihen sigurimet shoqërore për vitet që i shërbejnë fëmijës së mitur me autizëm.
Kryetarja e Komisionit të Shëndetësisë, Zheni Gjergji dhe deputetja Albana Vokshi pritet që t’i propozojnë parlamentit pas kërkesave të vazhdueshme nga prindërit e fëmijëve me spektër autik.
A do të njohë ngjyrime politike nisma për autizmin në parlament? Në Shqipëri nuk ka shifra të sakta për numrin e fëmijëve të diagnostikuar me autizëm, por referuar klubit të prindërve rezultojnë mbi 12 mijë persona më këtë çrregullim.