Lajmi që një vajzë e mitur është futur me forcë në makinë dhe më pas është abuzuar në një hotel ka shqetësuar mjaft prindërit në Tiranë.
Policia arrestoi 25 vjeçarin I.Xhaferi nga Kamza, i cili është personi që mori vajzën e mitur në makinë fillimisht duke e dërguar më pas në hotel ku dyshohet se ka tentuar të kryejë marrëdhënie seksuale, por vajza është larguar duke i shpëtuar dhunës.
Në deklaratën e tij në polici ai tha se thjesht i kishte pëlqyer vajza si fizik dhe e kishte ftuar në makinë duke mos ditur moshën e saj.
“Nuk kam abuzuar seksualisht. Me pëlqente si fizik dhe e ftova në makine. Erdhi me dëshirën e saj. Kur shkuam në hotel e pyeta për moshën dhe kur e mësova se ishte e mitur i thashë të largohej”, ka deklaruar ai para bluve të Kamzës.