Komandanti i kontingjentit shqiptar në misionin e NATO “Enhanced Forëard Presence”, major Klodian Tanushi ndërroi dje jetë në spital ku po i nënshtohej trajtimit intensiv mjekësor.
Por një ditë pas këtij lajmi të kobshëm, pikërisht sot ka ditëlindjen djali i Majorit shqiptar, i cili në vend të qirinjve për ditëlindje, vajton humbjen e babait. Një miku i ushtarakut shqiptar ka ndarë edhe një moment tepër emocionues teksa ka takuar djalin e majorit. “U ndave përgjithmonë nga ne Klodi, sa keq që nuk arrite të urosh as Serxhon sot në ditën e lindjes së tij. Me habi e dëgjova kur më tha e doja tortën sot të fikja qirinjtë për t’u lutur për babin… U prehsh në paqe i dashur Klodi, Lamtumirë”, shkruan Besnik Daci.
