Kryetari i Partisë së Lirisë, Ilir Meta është shfaqur i veshur kuqezi dhe duke puthur macen e tij Sashën, lutet edhe për Konventën Kombëtare që do të mbahet nesër në Pallatin e Kongreseve. Nesër në orën 10:00 Meta ka thirrur Konventënme objektivin për të pastruar partinë nga tradhtarët dhe nepotizmi. Nuk do të mungojnë notat patriotike.
Vëmendjen kryesore pritet ta ketë pikërisht grupi ”Kryemadhi”, ndaj të cilit Meta ka pasur jo pak kritika dhe madje, akuza të forta duke i cilësuar si tradhtarë e të infiltruar të Edi Ramës.
Përballjen e parë Meta-Kryemadhi e patën në Komitetin Politik Drejtues, por në Konventë Meta përballet për herë të parë edhe me të tjerë të besuar të Kryemadhit, si Endrit Braimllari që dha dorëheqjen si anëtar kryesie për shkak të luftës së brendshme.