404 apartamente të reja janë gati të hapin dyert në qendër të Vorës, për banorët të cilët u prekën nga tërmeti shkatërrimtar i 26 nëntorit. Apartamentet e reja janë falas për çdo familje që iu shkatërrua shtëpia dhe mbi të gjitha janë më të mira, më të forta e më të bukura se ato që humbën.
Për të parë cilësinë e blloqeve të banimit, kryeministri Edi Rama i shoqëruar nga Belinda Balluku dhe nga kryebashkiaku i Vorës, Blerim Shera, inspektuan nëqendër të Vorës apartamentet të cilat qytetarët do të marrin në dorëzim shumëshpejt.
“Janë shpërndarë momentalisht 130 apartamente, pjesa tjetër, sapo t’i marrim në dorëzim dhe gradualisht do hedhim shortin për 404 apartamentet. Janë të gjitha me short, me procesverbal”, – u shpreh kryebashkiaku Shera. Godinat e reja të banimit janë të shoqëruar dhe me parkim nëntokësor, rreth 300 vende parkimi në total. “Janë 30 objekte dhe kemi dhe 101 njësi që janë nëMarikaj, pra në total 506 apartamente”, – tha zëvendëskryeministrja Balluku.
Kryeministri teksa u takoi banorët e të këtyre godinave, u ndal dhe në disa nga apartamentet ku vlerësoi cilësinë e punimeve. “Se çfarë nuk ju kanë thënë e çfarë nuk keni dëgjuar, por ajo qëështë e rëndësishme të thuhet sot është se këto janë shtëpitë tuaja dhe ju nuk keni asnjë detyrim. Asnjë kokërr leku, asnjë kredi, asnjë borxh, asnjë gjë. I keni pronën tuaj, ta gëzoni dhe bëni si të doni, vetëm mirëmbajeni, jo shtëpinë brenda, por gjithë këtë ambient mirëmbajeni për të mirën e të gjithëve e për fëmijë. Kjo është e vetmja gjë që keni ju detyrë. I pashë shtëpitë dhe janë si të jesh në mes të Tiranës, por atje kushtojnë shumë, kurse këtu janë falas“, – theksoi Kryeministri Rama. Apartamentet në Vorë janë të ndara në 7 blloqe banimi dhe si nëçdo zonë të prekur nga tërmeti, tipologjitë e tyre janë 1+1, 2+1 dhe 3+1.
