Lulzim Basha ende nuk e ka mbyllur listën e kandidatëve që kishte thënë se do ta kishte gati në mars. I njohur për vonesat, këtë herë Basha kërkoi të mbyllte gojët e liga duke premtuar publikimin e listës gati një vit para kohe. Kur marsi iku, u tha se sapo kishte nisur puna që pritej të mbyllej në prill, por përsëri realiteti kërkoi gjetjen e një tjetër justifikimi.
Sekretari për Çështjet Ligjore dhe Zgjedhore në PD zyrtare, Indrit Sefa pranon problematikën por thotë se lista përfundimtare do të bëhet publike në një Kuvend Kombëtar, që nuk dihet saktësisht se kur do të mbahet.
“Në fillim të qershorit, ose në fund të majit do të bëjmë një Kuvend elektroral.Që do jetë Kuvend për caktimin e linjave politike dhe programit e të PD. Në këtë Kuvend do kem parashtrimin e vizionit të PD, besoj do jenë dhe kandidaturat qëdo parashtrohen para qytetarëve dhe demokratëve”.
Njerëzit e Bashës kanë gati edhe shkarkimin e përgjegjësisë te Kuvendi, ku priten ndryshimet për Reformën Zgjedhore. Ndonëse shprehen prolistave 100% të hapura, vija e kuqe e vendeve të sigurta duket se vijon të jetë kriteri i pozicionimit të kandidaturave.
“Ne sot kemi akoma një paqartësi se si do jetë Reforma Zgjedhore, a do jenë 100% të hapura apo me herës, siç janë pretendimet e palëve të tjera PS dhe Rithemelimi. Siç e dini ka dy lloj mënyrash për hartimin e një liste”.