Nemo nga Zvicra dhe Bambie nga Irlanda që janë pjesë e finales së Eurovisionit 2024, janë shpallur si persona jo-binarë (të papërcaktuar në gjini). Ata përdorin përemrin “ai” dhe “ajo”. Në një konferencë për shtyp pas gjysmëfinales së dytë të Eurovisionit u diskutua rreth kësaj çështje.
“Është e mrekullueshme që e dimë që nuk jemi vetëm këtë vit dhe që jemi së bashku në këtë. Kemi kaq shumë gjëra të përbashkëta dhe e kuptojmë njëri-tjetrin dhe mund të ndajmë përvojat tona mes vete. Jemi shumë falënderues për këtë. Është e rëndësishme që këtë vit mund të paraqesim njerëzit sepse ka kaq shumë artistë si ne”, tha Nemo.
“Kjo ndihmon”, thotë Nemo, “Të dish që ekzistojnë muzikantë ‘queer’ dhe kjo u ka ndihmuar shumë të tjerëve në jetë”, tha tutje artisti që përfaqëson Zvicrën.
Irlanda garoi në gjysmëfinalen e parë, pak kohë para “Baby Lasagne”. Ata garojnë me këngën “Doomsday Blue” dhe në finale do të performojnë në renditje të 10-tët. Edhe pse performanca e tyre u quajt nga shumë njerëz “sataniste”, Bambie është në vendin e pestë në bastet e fituesve të Eurovisionit”.