Të shtëna me armë zjarri, qëllohet në drejtim të një makine të parkuar

Të shtëna me armë zjarri janë dëgjuar këtë të hënë në Bulqizë. Rreth orës 17.30, në aksin rrugor Bulqizë-Fushë Bulqizë, një person dyshohet se ka qëlluar me armë zjarri në drejtim të automjetit të parkuar. Nga të shtënat nuk ka persona të dëmtuar. Shërbimet e Drejtorisë Vendore të Policisë Dibër dhe ato të Komisariatit Bulqizë, po kontrollojnë zonën me qëllim kapjen e autorit të dyshuar të kësaj ngjarjeje.