Pak ditë më parë portali studentor ka iniciuar një sondazh publikuar në rrjetet sociale, pjesë e së cilës janë bërë 660 maturantë në rang kombëtar. 82.1% e maturantëve mendojnë se, vendosja e kamerave dhe zhvillimi i provimeve të maturës në salla të mëdha është negative.
Kjo iniciativë nga portali studentor i paraprin maturës shtetërore dhe qëllimi kryesor është që të bëjë me dijë se cilat janë perceptimet e maturantëve dhe ndikimin emocianal që ka ky proces, tek ata pas risive dhe ndryshimeve të bëra një vit më parë nga Ministria e Arsimit.
Nga përgjigjet e përftuara në sondazh ajo që bie në sy është shqetësimi që kanë 82.1% e maturantëve për survejimin me kamera gjatë procesit të provimeve.
73.5% e maturanteve shprehen se kanë shumë stres, ndërsa një grup tjetër jo i paktë në numër, sfidojnë me përgjigjet e tyre duke pranuar me vetëdije të plotë, se pavarësisht monitorimit me kamera do të kopjojnë.