Gjatë këtij sezoni turistik, kryeministri Edi Rama shkruan se Ministria e Shëndetësisë dhe Mbrojtjes Sociale dhe strukturat shëndetësore kanë marrë masa për të garantuar dhënien e shërbimit të urgjencës mjekësore me cilësi të lartë dhe bashkëkohore, duke iu përgjigjur fluksit të lartë të pushuesve, veçanërisht gjatë muajve të verës.
Postimi i Ramës
Së bashku me Qëndrën Kombëtare të Urgjencës Mjekësore dhe Operatorin e Kujdesit Shëndetësor kemi marrë masat për këtë sezon veror duke plotësuar flotën e urgjencës mjekësore paraspitalore për herë të parë me motoambulanca dhe rritur numrin e autoambulancave për 34 qendrat shëndetësore verore.
Mjetet e reja automedika dhe motomedika, të pajisura me aparatura mjekësore, që do të përdoren në zonat me fluks lëvizje të lartë, në qendrat urbane dhe zonat bregdetare gjatë gjithë sezonit, shkurtojnë kohën e mbërritjes te pacientët dhe trajtimin në kohë të shpejtë të çdo urgjence mjekësore