Ish deputeti i PD-së Ervin Salianji ka deklaruar para gjykatës ku sot është seanca e parë gjyqësore për çështjen “Babale” se do të paraqitet personalisht vetëm kur të japë dëshminë Edi Rama, Taulant Balla dhe Fatmir Xhafa.
“Tanimë do ta ndjek çështjen përmes avokatëve dhe do të vijë kur të pranohet dëshmia e Ramës, Ballës, Xhafës dhe personave të tjerë dhe do bëj kallëzim penal për drejtuesit e policisë, për të gjithë zinxhirin e policisë së shtetit që janë përfshirë në falsifikimin e kësaj dosje”, tha Salianji.
Ai u shpreh se maxhoranca kërkon të zhvendosë vëmendjen dhe ta mbajnë tek opozita. Qytetarët janë të lodhur nga kjo drejtësi që sipas tij nuk bën drejtësi, por padrejtësi.
“Duan ta zhvendosin vëmendjen dhe ta mbajnë tek opozita apo tek varrojsa e çështjeve të rënda të korrupsionit. Qytetarët janë lodhur nga një drejtësi që nuk bën drejtësi, po padrejtësi dhe shërben si varrmihëse e çështjeve më të rënda në këtë republikë”, tha Salianji.
Unë nuk kam frikë nga Rama tha ai, duke e quajtur një dordolec politik që nuk tremb më.