Gjyshi i së miturës 13-vjeçe e cila dyshohet se është ngacmuar nga 64-vjeçari bashkëfshatar në Korçë, ka pranuar se ngjarjen e dinin por po përpiqeshin ta mbanin të mbyllur që të mos përhapej. Ai ka treguar si burri joshte mbesën e mitur.
”Këtë e joshte me ndonjë lek, na vinte në shtëpi me patetina në dorë. Vajza thotë më ka prekur në të gjitha pjesët e turpit, por do e shohin mjekët se ka edhe një shenjë në krah. Policia e mbajti telefonin tim deri në 23:30 i regjistroi të gjitha. Ai ka patur numrin tim të telefonin se edhe më ka uruar për sebepe në messenger. Ai fliste me këtë adresë. Kur vinte vajza me lekë në shtëpi e detyronim të na tregonte ku i gjente dhe na thoshte mi dha filani se e ndihmova. Nuk ja shinim lekët por vinte me qeskë me patetina etj. Vajza jeton me nënën dhe motrën babain e ka në Greqi”,-tha gjyshi.
Gjyshi tregon se 64-vjeçari ka qenë I dënuar dhe më parë në një rast për përdhunim të një gruaje në fshat dhe njëherë për një vrasje. ”Është person problematik, ka qenë i dënuar në kohën e komunizmit për vrasje, ka bërë gati 18 vite burg, dhe i dënuar për përdhunim të një gruaje”.