E bija e akuzon për abuzim, Gjykata e Durrësit lë në burg babanë! Refuzohet urdhri i mbrojtjes për 15-vjeçaren

Këtë të premte, Gjykata e Durrësit ka lënë në burg 48-vjeçarin e denoncuar nga vajza e tij 15-vjeçare, për abuzim seksual. Me prezencë të prokurores Oltiana Çifligu dhe gjykatëses Shpëtime Pitaku, seanca u zhvillua me dyer të mbyllura për shkak të sensitivitetit të çështjes dhe ruajtjes së anonimatit të minorenes. Gjatë masës së sigurisë 48 vjeçari ka mohuar akuzat e të bijës. “Nuk e kam bërë këtë gjë, në asnjë mënyrë”, tha ai. Ndërkohë gjykata ka rrëzuar kërkesën e 15 vjeçaren për urdhër mbrojtje për shkak se ajo ka deklaruar se nuk ndohet e kërcënuar. Fillimisht 48-vjeçarit iu caktua avokat shteti Arta Gecaj, por më pas u mbrojt nga një avokat privat.