Në Bangladesh, pothuajse 800,000 njerëz u evakuuan nga zonat e kërcënuara përpara mbërritjes së një cikloni të fortë që u formua mbi Gjirin e Bengalit, njoftoi Ministria e Situatave të Emergjencave të vendit.
Banorët e pjesës bregdetare të Bangladeshit u evakuuan në 4000 strehimore dhe për shkak të stuhisë së afërt, të gjitha shkollat në rajon u mbyllën, raportoi AP.
Stuhia pritet të përshkojë Bangladeshin dhe bregun e Bengalit Perëndimor në Indi sonte vonë.
Departamenti Meteorologjik i Indisë tha se erërat pritej të arrinin një shpejtësi maksimale prej 120 kilometrash në orë.
Për shkak të stuhisë, aeroporti në qytetin e Kalkutës në Bengalin Perëndimor do të mbyllet dhe në Bangladesh aeroporti në qytetin juglindor të Chattogram. Ky është cikloni i parë në Gjirin e Bengalit përpara sezonit të musonit të këtij viti, i cili zgjat nga qershori deri në shtator.