Zbulohen detaje nga organizimi per protesten e pasdites se sotme para Kryeministrise.
Proteste ne te cilen, Partia Demokratike i ka ftuar qytetarët sot në një tjetër protestë kombëtare “Per Shqipërinë si Europa”. Burime per “Panorama” bejne me dije se ndryshe nga manifestinet e tjera antiqeveritare, ky i sotmi do të jetë një marshim proteste.
Sipas burimeve, qytetarët janë ftuar në këtë marshim proteste për mbrojtjen e demokracisë dhe shkëputjes së politikës nga krimi, si garanci për zgjedhje të lira e të ndershme dhe qeverisje të përgjegjshne qe punon për mirëqenien e qytetarëve.
Protesta e sotme, sipas burimeve, do te behet ne mungese te sekretarit organizativ te PD, Sahit Dollapi, i cili sipas PD, po merr trajtim intensiv në spital nga plagët e rënda të dhunës.
Burimet sqarojne se Sahit Dollapi ka qenë në çdo protestë pikë kontakti për policinë, siç e kërkon ligji, ndërsa do të jetë Sekretari i Burimeve Njerëzore Ervin Minarolli.
Në njoftimin që PD i ka dërguar policisë për marshimin e protestës, u ka kërkuar punonjësve të ndershëm të policisë së shtetit të mos bëhen pjesë e provokimeve dhe dhunës së paligjshme kundër qytetarëve.
“Policia e shtetit, në mënyrë të përsëritur, ka kryer akte dhune ndaj qytetarëve në mënyre kriminale dhe me urdhër politik, për te cilat PD ka kryer kallëzim penal”- thuhet në letrën e Sekretarit të Përgjithshëm Gazment Bardhi, duke iu referuar kallëzimit të pak kohëve më parë për përdorimin kriminal të gazit helmues kundër protestuesve paqësorë.