Këtë të shtunë zhvillohet seanca për masën e sigurisë për dy të arrestuarit që dhunuan avokatin Sokol Mëngjesi. Prokuroria ka kërkuar “Arrest me burg” për Dritan Nanon e Dorian Alian. Ndaj tyre rëndojnë akuzat plagosje e rëndë me dashje kryer në bashkëpunim.
Për Drivald Aliaj, Elton Kasaj dhe Romario Tabaku, të cilët janë ende në arrati prokuroria ka kërkuar caktimin e masës së sigurisë “Arrest me burg” në mungesë për të njëjtat akuza si Nano e Alia.
Sakaq gjendja shëndetësore e avokatit Sokol Mëngjesi vijon të jetë e rënduar duke mos pasur asnjë përmirësim. Që prej mesditës së të mërkurës ai ndodhet në koma në reanimacion.
Deri në këto momente nga ana e stafit mjekësor nuk është vlerësuar e nevojshme që t’i nënshtrohet ndërhyrjes kirurgjikale, por orët në vijim janë vendimtare nëse do të ketë reagim nga pacienti. Në spitalin e Traumës kanë shkuar të premten për të vizituar avokatin Sokol Mëngjesi, drejtori i policisë së Tiranës, Tonin Vocaj dhe zv/drejtori Alket Shatro.
3 autorët e kësaj ngjarje të rëndë vijojnë ende në arrati.