Tjetër protestë kundër surrogacisë: E duam familjen të paprekur. Projektligji është në fazën e diskutimit publik

Koalicioni Shqiptar pro Familjes dhe Jetës organizoi sërish një protestë kundër pr.ligjit për surrogacinë. Ata marshuan nga sheshi “Skënderbej” deri tek sheshi “Nënë Tereza” në mbrojtje të familjes dhe festimit të jetës në Ditën Kombëtare të Fëmijëve. U vazhdua me firmosjen e Peticionit “Manifesti i Jetës”, i cili ka për qëllim dërgimin në Parlament për anulimin e Projektligjit të Surrogacisë. Ky projektligj është në fazën e diskutimit publik, ndërkohë që ka ngjallur një sërë debatesh publike e mediatike, kryesishtë nga komunitetet fetare, por jo vetëm.