Gjashtë automjete janë përfshirë nga flakët në orët e para të mëngjesit të kësaj të mërkure (5 qershor). Policia thotë se ngjarja ka ndodhur në rrugën “Donald Trump” në zonën e Kamzës, në një biznes për dhënien e automjeteve me qira.
Paraprakisht dyshohet se ngjarja mund të jetë e qëllimshme, por policia dhe grupi hetimor po punojnë për zbardhjen e plotë.
“Më datë 05.06.2024, rreth orës 04:00, në rrugën “Donald Trump”, Kamëz, ka rënë zjarr dhe janë djegur disa automjete, në një biznes për dhënien e automjeteve me qira. Grupi hetimor po punon për sqarimin e rrethanave të ngjarjes”, sqaron policia