Fredi Beleri mund të mos marrë pjesë në betimin si eurodeputet në Parlamentin Europian. Pavarësisht qëndrimit në burg, Fredi Beleri nuk do të ketë pengesa për marrjen e mandatit.
Kjo pasi betimi në Parlamentin Evropian nuk është parakusht për ratifikimin e zgjedhjes së tij të ligjshme. Parlamenti Europian do të zhvillojë seancën e parë në 16 korrik në të cilën pritet të jenë prezentë edhe eurodeputetët e rinj të sapozgjedhur.
“I vetmi vendim i drejtë do të ishte lirimi tij”, duke shtuar se nuk ka iluzione për sistemin e drejtësisë shqiptare. “Unë e di që sistemi gjyqësor në Shqipëri kontrollohet nga kryeministri Edi Rama”, tha Beleri për Skai Tv, në lidhje me rastin e tij e cila ka tensionuar marrëdhëniet greko-shqiptare.
Ministri i Jashtëm grek, George Gerapetritis përcolli mesazhin e Greqisë në samitin e Procesit të Bashkëpunimit të Evropës Juglindore në Shkup, duke theksuar se respektimi i ligjit ndërkombëtar dhe marrëdhëniet e fqinjësisë së mirë është një kusht i domosdoshëm për anëtarësimin në BE.