Eksperti i arsimit Ndriçim Mehmeti, në një intervistë televizive ka folur rreth provimeve të maturës, si dhe për nivelin e dobët të rezultateve, ku sipas tij, ka cilësi të dobët mësimdhënie.
Rezultatet e provimit të gjuhës së huaj të Maturës Shtetërore, tregojnë një rritje të ndjeshme të nxënësve mbetës. 952 nuk kanë mundur të kalojnë provimin, 568 më shumë se vitin e kaluar.
Lexo edhe :
Related Posts
Po ashtu, krahasuar më vitin 2023, mesatarja ka qënë 7.68, ndërsa këtë vit është ulur në 7.25.
Rezultatet kanë nxjerrë në pah edhe rënien të numrit të ekselentëve, pasi këtë vit rezultuan ekselentë në gjuhën e huaj vetëm 119 maturantë, teksa vitin e kaluar ishin 1043 maturantë me notën maksimale në këtë provim.
Eksperti i arsimit, Ndriçim Mehmeti, thotë se rezultatet e fundit tregojnë mënyrën si është menaxhuar procesi mësimor gjatë pandemisë.
Sipas tij, rezultate të tilla janë alarmante për një vend që synon rritjen e turizmit dhe përfshirjen në projekte europiane.