Një çift shqiptarësh të moshës rreth 50 vjeç ndodhen në Gjykatën e Apelit në Larisa të Greqisë, pasi mbesa e ish-pronarit të tyre 75-vjeçar, i ka denoncuar për vjedhjen e bizhuterive dhe të pikturave me vlerë 150 mijë euro.
Mediat greke thonë se çështja trajtohet prej disa vitesh në gjykatat greke, ndërsa ngjarja ka ndodhur në Volos, aty ku çifti punoi për disa kohë në vilën e shtetasit grek.
Pas vdekjes së tij u denoncua edhe humbja e orendive të arit dhe të disa pikturave.
Rasti do të diskutohet të hënën pas shtyrjes së dy seancave, ndërsa çifti shqiptar përballet me akuzën për vjedhje.