Fluks i lartë udhëtarësh nga Kosova në Shqipëri

Së paku 10 mijë qytetarë kanë hyrë nga Kosova në Shqipëri në orët e mëngjesit për të pushuar në bregdetin shqiptar. Kjo shifër është rekord që prej nisjes së sezonit veror. Kjo edhe për faktin e zbatimit të marrëveshjes mes dy qeverive sipas të cilit për të gjithë automjetet e Shqipërisë dhe Kosovës aplikohet kalimi pa kontrolle. Në kuadër të sezonit veror, policia e Shqipërisë dhe ajo e Kosovës nga 1 korriku nisin patrullime të përbashkëta në akset kryesore që të dërgojnë drejt bregdetit shqiptar. Patrullimet e përbashkëta të Kosovës dhe Shqipërisë kanë nisur shumë vite më parë dhe realizohen gjatë sezonit veror.