Aksident në Fier/ Humb kontrollin e motomjetit dhe doli nga rruga, 64-vjeçari ndërron jetë

Një 64-vjeçar ka humbur jetën, pasi motomjeti me të cilin udhëtonte doli nga rruga. ‘Sot më datë 29.06.2024, rreth orës 17:50, në aksin rrugor “Fier-Pishporo”, shtetasi Ll. D., rreth 64 vjeç, duke drejtuar një motomjet pa targa, ka humbur kontrollin e motomjetit dhe ka dalë nga rruga. Si pasojë e daljes së motomjetit nga rruga ka humbur jetën shtetasi Ll.D. Grupi hetimor ndodhet në vendngjarje dhe po punon për sqarimin e plotë të rrethanave të aksidentit”,-njofton policia.