FRANCË- Njësi të armatosura rëndë të ushtrisë franceze janë futur në pallatin e Versajës në Francë, si pasojë e një incidenti të sigurisë. Siç raportohet policia u pa duke u futur në atraksionin turistik në afërsi të Parisit ndërsa vizitorët e shumtë janë evakuuar. Gjithashtu qytetarët janë këshilluar të shmangin këtë zonë.
“Forcat e sigurisë janë në terren. Shmangni zonën dhe ndiqnin instruksionet e autoriteteve. Mos u besoni informacioneve të rreme”, tha policia franceze.
Dëshmitarët okularë thonë se ishin duke pritur në radhë, kur forcat e sigurisë u shfaqën befasisht në objekt.
Fedde Benedictur tha në platformën X: “Çfarë po ndodhë këtu? Ishim duke pritur që të ndalohet të futemi në pallat dhe tani jemi evakuuar sepse ushtria sapo është futur brenda”.
Ndërkohë qindra turistë raportohet se kanë mbetur jashtë duke parë se çfarë po ndodhë.
Gazetari francez Hugo Palacin tha se: “pallati i Versajës është bllokuar, GIGN sapo është futur derisa qindra turistë po prisnin jashtë”.