A do të betohet Fredi Beleri si eurodeputet në Strasburg? Drejtoria e Burgjeve: Leja nuk është miratuar

Drejtoria e Burgjeve të Shqipërisë ka reaguar pas lajmit se Fredi Beleri do të niset drejt Strasburgut të hënën dhe të betohet si deputet i Parlamentit Evropian. Sipas reagimit të Drejtorisë së Burgjeve, ende nuk ka një leje të dhënë për Belerin, i cili është dënuar për shitblerje votash. Sipas institucionit kërkesa e drejtuar ndaj tyre është ende në shqyrtim. Kreu i PDBNJ-së, Vangjel Dule thotë se të hënën Beleri do të kryejë betimin si eurodeputet, gjë që është raportuar edhe në mediat në Greqi.